No, u mari nun
s’hav’a spirtusari u mari
è la nostra vita la
vita di li nostri
occhi di li nostri
aricchi.
O com’bellu séntiri
nna lu silenziu
di la notti la
risacca di l’unna
che s’annaca ntra
lu virdi di l’alighi!
com’è bellu vidiri
li pisci saittari
ntra l’oru di lu
suli o l’argentu di la luna!
com’è bellu vidiri
milli e milli
luci quannu di stiddi
si vestinu li celi!
E iddi, iddi lu vonnu
spirtusari u mari
cu pezzi di ferru
arrugginutu
ca fannu un rumuri di
nfernu e fannu
pazzi li pisci chi si
nni stannu
npaci natannu nna lu
mari calmu
e chinu di culuri di
sapuri d’amuri.
No, u mari nun
s’hav’a spirtusari u mari.
No, u mari nun
s’hav’a spirtusari u mari
è lu specchiu di
l’immensitati di Diu
di Diu eternu, di lu
so amuri
ca nun finisci, nun
finisci mai.
È un piccatu, un
piccatu murtali
sulu a pinsari di
vulirlu allurdari
ncanciu d’un
varrili di petroliu
ch’allorda poi li
celi di l’universu.
È un piccatu, un
piccatu murtali
vuliri canciari
l’azzurru tersu
e limpiu di la so
acqua
cu l’acqua nivura
di la pici
di vuliri canciari
l’oduri di mari
c’allarga lu pettu
e la peddi
cu l’oduri aspru
di lu petroliu
che rumpi lu cori
finu a scasiddarlu.
(12 maggio 2015)
Nessun commento:
Posta un commento